قصيدة/ يا محكمة
.
يامحكمة يا محكمة ٠
يلى افتحى ليا البيبان ٠
خلينى اشوف مين اتظلم ٠
خلينى اشوف مين اللى خان٠
مين اللى خلى دمعنا على بعض هان٠
يا محكمة يا محكمة ٠
خلينى اشوف مين اشترى٠
خلينى اشوف مين اللى باع ٠
مين اللى ايدوا جرحت ساعة الوداع ٠
ومين اللى ايدوا طبطبت ٠
مين اللى ايدوا طبطبت وقت الضياع٠
يا محكمة يا محكمة
حتى اللى قولت عليه صديق ٠
ليه سابنى ليه وسط الطريق٠
وأنا إللى عمرى اديتوا ليه ٠
ولا بخلت فى يوم عليه ٠
دا الكل باع الكل خان ٠
هاتى الدفاتر من زمان٠
يا محكمة يا محكمة ٠
عاوز اشوف بعينى الحساب ٠
واللى غلط ياخد العقاب ٠
وياريت حكمك يكون شديد ٠
ويكون كمان عالكون جديد ٠
حطى الظالمين فى قفص حديد٠
والحكم يكون نهائى واكيد ٠
يا محكمة يلى احكمى
.
شعر كمال البنا
١٦/ ٣/ ٢٠٢١
مجلة همسات شعرية 